“මගේ දරුවට එහෙම දෙයක් වුණොත් ඒක ලොකු ගින්දරක්. මං හිතනවා මේ සමාජයේ ඉන්න හැම අම්මා කෙනෙක්ටම ඒක දැනෙනවා කියලා. අපේ වගේ ආගම දහමට නැඹුරු වන සමාජයක මෙහෙම දේවල් වෙන්නෙ කොහොමද? ගැහැණු දරුවන්ට වෙලා තියෙන දේවල් ඇහුනම අපිටත් ප්‍රශ්නයක් මතුවෙනව අපි මොන වගේද ඒකට එරෙහිව නැගී සිටින්න ඕන කියලා. එලියට බැහැල යන දරුවො පරිස්සමෙන් ගෙදර එනවා කියන එක අපිට තහවුරු කරගන්න පුලුවන් නම් ඒක ඇත්තටම ලොකු දෙයක්”
ලාංකික සමාජයේ කාන්තාවන් සහ ගැහැනු දරුවන්ට ලිංගික හිංසන වලට මුහුණපාන්නට වීම විශාල ගැටලුවක් වන අතර, මේවා සමාජයේ එකිනෙකට බලපෑම් කරන ගැටලු වලින් එකක්. ලිංගික හිංසනයට ගොදුරු වූ කාන්තාවන් සහ දරුවන්ගේ ජීවිතය මානසික වශයෙනුත් ඉතාම පිරිහීමට ලක්වෙනවා. ඔවුන්ගේ මානසික හා ශාරීරික සෞඛ්‍යයට හානි වන අතර, එම හානිය දිගුකාලීනව පවත්නා බවත් සොයාගෙන තියෙනවා.
කාන්තාවන් සහ ගැහැනු දරුවන් සමාජයේදී ලිංගික හිංසනයන්ට ගොදුරුවීම වලක්වාගැනීමෙහි අරමුණ සාර්ථකව ඉටු කිරීම සඳහා පළමුවත්, සමාජයේ හැම එක් අයෙකුටම මෙම ගැටලුව ගැන අවබෝධයක් ලබා දීම අත්‍යවශ්‍ය වෙනවා. ලිංගික හිංසන තුරන් කිරීමේ කාර්යය සමාජයේ සාමකාමී හා ආරක්ෂිත බවක් ඇති කිරීමට බෙහෙවින් උපකාරී වන අතර, විශේෂයෙන් කාන්තාවන් හා ගැහැනු දරුවන්ට මේ සම්බන්ධයෙන් අවවාද සහ අධ්‍යාපනික උපදෙස් ලබා දීම වැදගත් වෙනවා.
මෙම අරමුණ සඳහා, අදාළ අධ්‍යාපන කටයුතු, ආරක්ෂාව සහ නිසි නීතිමය ක්‍රියාමාර්ග අරමුණු කිරීමට උත්සාහ කළ යුතුයි. කාන්තාවන් සහ ගැහැනු දරුවන්ට මෙවන් තත්ත්වයන් පිළිබඳව නිසි අවබෝධයක් ලබා දීම, මෙම ගැටලුවට හේතු වන සමාජීය සහ සංස්කෘතික ක්‍රම විකල්ප කරන්න හේතුවක් වෙනවා. දරුවන්ට, තරුණ කාන්තාවන්ට සහ ගැහැනු දරුවන්ට මේ සම්බන්ධයෙන් සහය දෙන ක්‍රියාමාර්ග ආරම්භ කිරීම ඉතාම වැදගත් වේ.
සමාජයේ සෑම අයෙකුටම මෙම ගැටලුවට ප්‍රතිචාර දැක්වීම, එම ගැටලුවට පිළිවෙලින් ප්‍රතිචාර ලබා ගැනීමට කටයුතු කිරීම, එවිට සමාජයේ සාමකාමී වාසස්ථානයක් පිහිටුවීමට ආධාර වෙනවා.
ඩීපී එඩියුකේෂන් නිර්මාතෘ සහ සභාපති ධම්මික පෙරේරා මහතාගේ සංකල්පයකට අනුව, කාන්තාවන් සහ ගැහැනු දරුවන් සමාජයේදී ලිංගික හිංසනයන්ට ගොදුරුවීම වලක්වාගැනීමේ අරමුණින් ඩීපී එඩියුකේෂන් විසින් හිංසන විරෝධී ගෝලීය අභිනයන් සමාජගත කිරීමේ වැඩසටහන 2024 මැයි 10 වන දින කොළඹ නෙළුම් පොකුණ රඟහලේදී ආරම්භ වුණා. මෙහිදි ප්‍රධාන ආරාධිතයා ලෙස එවකට සිටි ජනපතිවරයා වූ රනිල් වික්‍රමසිංහ මහතා සපැමිණි අතර, හිටපු ජනාධිපති මහින්ද රාජපක්ෂ මහතා, කථානායක මහින්ද යාපා අබේවර්ධන මහතා, ජනාධිපති කාර්ය මණ්ඩල ප්‍රධානී සාගල රත්නායක මහතා සහ එක්සත් ජාතීන්ගේ ජනගහන අරමුදලේ ශ්‍රී ලංකා සහ මාලදිවයින් නියෝජිත කුන්ලේ අදේනී මහතා ඇතුළු සම්භාවනීය අමුත්තන් සහ ගිහි පැවදි දෙපාර්ශවයේම සහභාගීත්වය මීට ඇතුළත් වුණා.
“මව්වරුනි ඔබේ හඬ ප්‍රබලයි. සොයුරියනි ඔබේ හඬ ප්‍රබලයි. සොයුරනි, පියවරුනි, මිතුරනි, ඔබ සැම කෙනෙකුටම හඬක් තියෙනවා.ඒ හඬ ප්‍රබලයි”
“ජීව විද්‍යාත්මකව අපි වර්ගීකරණය වුණත් අපි සුරක්ෂිත වෙන්න ඕන. යහපත් සමාජයක්, වඩා සුරක්ෂිත සමාජයක්, කාන්තාවන්ටත්, ගැහැණු දරුවන්ටත් ලබාදීමේ පරම පවිත්‍ර බලාපොරොත්තුවයි. ඒ වෙනුවෙන් තමයි ඩීපී එඩියුකේෂන් මේ සංකල්පය ඔබ වෙත ගෙන එන්නේ’
‘‘කාන්තාවක් කායික වශයෙන්, වාචික වශයෙන් මෙන්ම සයිබර් හිංසනයට ලක්විය හැකියි. නමුත් බොහෝ විට කාන්තාවන් අපහසුවෙන් මේ හිංසනය දරාගෙන සිටිනවා. මොකද එය වචනයෙන් ප්‍රකාශ කිරීමෙන් තමන් එයට වඩා අපහසුතාවයට ලක්විය හැකියි කියලා ඒ අය හිතන නිසා. මෙය වලක්වාගැනීමට ලෝකයේ සැවොම එකම භාෂාවකින් එකතු කරගන්න හැකිවුණොත් සමාජයේ කාන්තාවන්ට එම හිරිහැරය සැලකිය යුතු ලෙස අවම කරගන්න පුලුවන් වෙයි.මුලු ලෝකයම එකම විදියට භාවිතා කරන සංඥා 8ක් පමණයි තිබෙන්නේ. අපි හඳුන්වාදෙන මේ සංඥා 3 ලෝකයට ගිය විට මුලු ලෝකයම එකම ආකාරයට භාවිතා කරන සංඥා ගණන 11ක් වෙයි”
ඩීපී එඩියුකේශන් නිර්මාතෘවරයා වන ධම්මික පෙරේරා මහතා මේ ලෙසින් අදහස් ප්‍රකාශ කරේ පසුගිය 10 වෙනිදා හිටපු ජනාධිපති මහින්ද රාජපක්ෂ, කථානායක මහින්ද යාපා අබේවර්ධන, ජනාධිපති කාර්ය මණ්ඩල ප්‍රධානී සාගල රත්නායක සහ එක්සත් ජාතීන්ගේ ජනගහන අරමුදලේ ශ්‍රී ලංකා සහ මාලදිවයින් නියෝජිත කුන්ලේ අදේනී ඇතුළු සම්භාවනීය අමුත්තන් සහ ගිහි පැවිදි දෙපාර්ශ්වයම මධ්‍යයේ කොළඹ නෙළුම් පොකුණ රඟහලේ පැවති “ඩීපී එඩියුකේශන් – හිංසන විරෝධී ගෝලීය අභිනයන් සමාජගත කිරීමේ වැඩසටහන” අතරවාරයේදීය.
මෙම වැඩසටහනෙන් අපි සාමකාමී හා ආරක්ෂිත සමාජයක් ගොඩනැගීමට එක්ව කටයුතු කරනවා. කාන්තාවන්ට සහ සෑම අයෙකුටම බියකින් තොරව, නිදහසේ ජීවත් වෙන්න පුළුවන් පරිසරයක් නිර්මාණය කිරීම අපේ අරමුණයි.
මෙම වැඩසටහන ශ්‍රී ලංකාවට පමණක් නොව, සෙසු ලෝකයටත් ආදර්ශයක් වේවි.
සුපරීක්ෂාකාරී සමාජයක පුරවැසියන් වීමට සහ සෑම පුද්ගලයෙකුටම නිදහසේ සහ බියකින් තොරව සමාජයට ප්‍රවිශ්ඨ විය හැකි බව සහතික කිරීමට අපි සැවොම කැප වෙමු!
