දෙමව්පියන් වශයෙන්, අපි බොහෝ විට උත්සාහ කරන්නේ අපේ දරුවන්ට ජීවිතයේ හොඳම දේවල් ලබා දෙන්න. ඔවුන්ගේ කුසලතා වර්ධනය කර ගැනීමට සහ ඔවුන්ගේ අරමුණු සාක්ෂාත් කර ගැනීමට උපකාර කරන්න අපි අපේ දරුවන්ව ක්රීඩා, සංගීත පාඩම් වගේ බාහිර දේවල්වලට යොමු කරනවා. කොහොම වුණත්, අප සමහර විට නොසලකා හරින එක් වැදගත් කුසලතාවයක් වන්නේ නායකත්වයයි. නායකත්ව කුසලතා කුඩා කාලයේම වර්ධනය කර ගැනීම මගින් දරුවන් ලොකු වෙද්දි ජීවිතයේ එන විවිධාකාර අභියෝග වලට නොබියව මුහුණ දීමට අවශ්‍ය ශක්තිය වර්ධනය කරගන්න දරුවන්ට හැකියාව ලැබෙනවා.
ඩී.පී එඩියුකේෂන් ඔස්සේ ගෙන එන මේ ලිපියෙන් අපි අද කතා කරන්නෙ යන්නේ දරුවන් තුළ නායකත්ව කුසලතා ඇති කරන්න සහ වැඩි දියුණු කරන්න මව්පියන් ලෙස අපිට කළ හැකි දේවල් මොනවාද කියන එක ගැන.
ඇමරිකානු එක්සත් ජනපදයේ සිටි ජනපතිවරයෙක් වන ජෝන් ක්වින්සි ඇඩම්ස් කියනවා “ඔබේ ක්‍රියාවන් අන් අයට තවත් සිහින දැකීමට, තව ඉගෙන ගැනීමට, වැඩි යමක් කිරීමට සහ වැඩි වැඩියෙන් වීමට පොළඹවන්නේ නම්, ඔබ නායකයෙකි” කියල. ඉතින් සමහරවිට දෙමව්පියන්, වැඩිහිටියන් ලෙස කරන ක්‍රියාවන් ඔබේ දරුවාව යහපත් දෙයකට යොමු කිරීමට, අලුත් දෙයක් ඉගෙන ගැනීමට පොළඹවන්න පුලුවන්.
- පළමුවෙන්ම සහ ප්රධාන වශයෙන්, ආදර්ශයෙන් මඟ පෙන්වීම වැදගත් වෙනවා. දරුවන් බොහෝ විට තම දෙමාපියන් සහ ඔවුන් වටා සිටින අනෙකුත් වැඩිහිටියන්ගේ හැසිරීම අනුකරණය කරන නිසා මවක් හෝ පියෙක් ලෙස හොඳ නායකත්ව කුසලතා ආදර්ශයට ගන්නේ නම්, ඔබේ දරුවා ද එම මගපෙන්වීම් ඔස්සේ තමා තුළත් එවන් කුසලතා වර්ධනය කිරීමට වැඩි ඉඩක් ඇත. හොඳ සවන්දෙන්නෙකු වීම, අන් අය කෙරෙහි සංවේදනය පෙන්වීම සහ ඔබේ ක්‍රියාවන් සඳහා වගකීම භාර ගැනීම වැනි දේ මෙයට ඇතුළත් වේ. ඔබේ දරුවා ධනාත්මක නායකත්ව ලක්ෂණ ප්‍රදර්ශනය කරන බව ඔබ දකින විට ඔහුට ප්‍රශංසා කිරීමටත් අමතක කරන්න එපා.. යහපත් ක්‍රියාකාරකම් වල නිරත වීම දරුවන්ව නායකයකු ලෙස පමණක් නොව යහපත් පුද්ගලයකු ලෙස ගොඩනැගීමට රුකුලක්. ඩී.පී එඩියුකේෂන් ළමා ගී ඔස්සේ කියාදෙන මිනිසුන්ට සහ සතුන්ට කාරුණික වීමේ අගය, පවුලක වටිනාකම වැනි දෑ දරුවා තුළ නායකත්ව ගුණාංග වර්ධනය කිරීම සඳහා ඔබට යොදා ගත හැකියි.එවන් ගීත වලට සවන්දීම සඳහා පිවිසෙන්න: https://www.youtube.com/playlist?list=PL88rDRjOnDPAA0FaPLcv9uV3hTRR_Yb37
- ඔබේ දරුවා තුළ නායකත්ව කුසලතා ගොඩනැගීමට තවත් ක්‍රමයක් වන්නේ වගකීම් භාර ගැනීමට ඔවුන් දිරිමත් කිරීමයි. මෙය නිවසේ වැඩකටයුතුවලට උදවු කිරීම වැනි සරල දෙයක් හෝ ප්‍රජා සේවා ව්‍යාපෘතියක් සංවිධානය කිරීම වැනි සංකීර්ණ දෙයක් වෙන්න පුළුවන්. දරුවන් වගකීම් භාර ගන්නා විට, වෙහෙස මහන්සි වී වැඩ කිරීමේ වටිනාකම ඉගෙන ගන්නා අතර ඔවුන්ගේ ජයග්‍රහණ ගැන ඔවුන් ආඩම්බර වෙනවා. මෙය ඔවුන්ගේ විශ්වාසය ඉහළ නැංවිය හැකි අතර අනාගතයේදී නායකත්ව භූමිකාවන් වඩාත් සුවපහසු ලෙස භාර ගැනීමට ඔවුන්ට උපකාර කරනවා.
- ඵලදායි නායකත්වයේ අත්‍යවශ්‍ය අංගයක් වන සන්නිවේදන කුසලතා වර්ධනය කරගැනීමත් යහපත් නායකයකු ලෙස වර්ධනය වීමට ඉතාම වැදගත්. පැහැදිලිව සහ ගෞරවනීය ලෙස යමක් ප්‍රකාශ කිරීමට දරුවාව දිරිමත් කරන්න, අන් අය කතා කරන විට ක්‍රියාශීලීව සවන් දීමට ඔවුන්ට උගන්වන්න අමතක කරන්න එපා. යමෙකුට සාකච්ඡා කිරීමට හෝ ඒත්තු ගැන්වීමට සිදු වන භූමිකා රඟ දැක්වීමේ අවස්ථා ද ඔවුන්ගේ සන්නිවේදන කුසලතා ඔප්නැංවීමට උපකාර කරගන්න ඔබට පුළුවන්.
- මීට අමතරව, ඔබට ඔබේ දරුවාට ඔවුන්ගේ නායකත්ව කුසලතා පුහුණු කළ හැකි සහ වර්ධනය කරගත හැකි කණ්ඩායම් සම්බන්ධ වීමට දිරිමත් කරන්න පුළුවන්. මෙය පාසල් ක්රීඩා කණ්ඩායමේ සිට බාලදක්ෂ කණ්ඩායම දක්වා විහිදෙන අතර මෙම සැකසුම් තුළ, දරුවන්ට අන් අය සමඟ සහයෝගයෙන් කටයුතු කිරීමට, තීරණ ගැනීමට සහ නායකත්ව භූමිකාවන් භාර ගැනීමට අවස්ථාව ලැබෙනවා. කණ්ඩායමක කොටසක් ලෙස ඵලදායි ලෙස වැඩ කරන ආකාරය ඉගෙන ගන්නා අතරම, ක්‍රියාශීලී වීමට සහ සුදුසු විට පෙරමුණ ගැනීමට මෙමගින් ඉඩකඩ ලැබෙනවා.
- බෝඩ් ගේම්ස් එහෙමත් නැතිනම් පුවරු ක්රීඩා දරුවන් තුළ නායකත්ව කුසලතා වර්ධනය කර ගැනීමට උපකාර කරන බව ඔබ දන්නවාද? පුවරු ක්රීඩා බොහෝ විට දරුවන්ට මාරුවෙන් මාරුවට, එකිනෙකා සමඟ සන්නිවේදනය කිරීමට සහ තීරණ ගැනීමට අවකාශය ලබා දෙනවා. මොනොපොලි, ස්නේක්ස් ඇන්ඩ් ලැඩර්ස් වැනි ක්රීඩා ඔබේ දරුවාට උපාය මාර්ගික චින්තනය සහ තීරණ ගැනීමේ කුසලතා වර්ධනය කර ගැනීමට උපකාරයක්. ජයග්‍රහණයේදීත් පරාජයේදීත් කාරුණිකව කටයුතු කරන්නේ කෙසේදැයි මෙම ක්රීඩා ඔස්සේ දරුවන්ට ඉගෙන ගැනීමට හැකියාව ලැබෙන නිසා නායකත්ව කුසලතා වර්ධනය කරගන්නත් මෙවැනි ක්රීඩා ඔස්සේ දරුවන්ට ඉඩකඩ ලැබෙනවා.
අවසාන වශයෙන් දරුවන් තුළ නායකත්ව කුසලතා වර්ධනය කිරීම සඳහා අවශ්‍ය මානසික වටපිටාව සකසාලිය යුත්තේ දෙමව්පියන් ලෙස ඔබයි.
ඩී.පී එඩියුකේෂන් ඔස්සේ ගෙන එන ජීවන කුසලතා වැඩසටහන් මෙන්ම ඩී.පී එඩියුකේෂන් කිඩ්ස් යූ ටියුබ් වැඩසටහන් ඔස්සේත් දරුවන් තුළ නායකත්ව කුසලතා වර්ධනය කිරීමට ඔබට කළ හැකි දේ පිළිබඳ ඔබට දැනගැනීමට පුළුවන්.
ඒ වගේම ඩී.පී එඩියුකේෂන් කිඩ්ස් යූ ටියුබ් චැනලයේ සියලුම වීඩියෝ නිර්මාණය කර තිබෙන්නෙ දරුවන්ගේ කුඩා මනසට සුදුසු පරිදි බැවින් එම වීඩියෝ මාලාවන් ඔස්සේ යහපත් දේ මොනවාද, තවත් අයෙකුට කාරුණික වන්නේ කෙසේද, යහපත් නායකයකු තුළ තිබිය යුතු ගුණාංග මොනවාද යන්න පිළිබඳව ඉතා සරල ලෙස දරුවාටම ඉගෙනීමට ඉඩකඩ ලැබෙනවා.
