සම්මුඛ පරීක්ෂණයක් කියන්නේ රැකියාවක් හොයාගන්න යන ගමනක්ම නෙවෙයි. එය එක්තරා ආකාරයකින් රැකියාව පිළිබඳව තොරතුරු, ආයතනය පිළිබඳව තොරතුරු දැනගන්න යන ශිල්පීය ක්‍රමයක්.
කොහොම වුනත් සම්මුඛ පරීක්ෂණයකට නිවැරදිව මුහුණ දෙන්න නිසි සූදානම් තියෙන්නම ඕන. මේ ලිපියෙන් අපි අද ඔබත් එක්ක බෙදාගන්න යන්නෙ සම්මුඛ පරීක්ෂණයකට බය නැතුව මුහුණ දෙන්න පෙර සූදානම් වෙන්නෙ කොහොමද කියලා.
සම්මුඛ පරීක්ෂණයක් සඳහා දිනයක් ලැබුණ දා ඉඳලම හිතට පොඩි බයක් දැනෙන එක සාමාන්‍ය දෙයක්. මේ ඔබේ පළවෙනිම සම්මුඛ පරීක්ෂණ අත්දැකීම නම් ඒ බය සම්මුඛ පරීක්ෂණයට දින ළඟාවෙද්දි දෙගුණ තෙගුණ වීම බොහොම සාමාන්‍ය දෙයක්.
කොහොම වුණත් නිවැරදි සූදානමක් සමගින් සම්මුඛ පරීක්ෂණයට සාර්ථකව මුහුණ දීම ගැන ඩී.පී එඩියුකේෂන් ජීවන කුසලතා යූ ටියුබ් වීඩියෝ මාලාවෙන් ඔබට කියා දෙනවා.
- “ඔයාට මෙහේ වැඩ කරන්න ඕන කියල හිතුනෙ ඇයි?”
මේ ප්‍රශ්නෙට උත්තර දෙන්න නම් ඔයාට ඔයා ඉල්ලුම් කළ රැකියාව සහ ආයතනය පිළිබඳව මනා අවබෝධයක් තිබිය යුතුමයි.
සම්මුඛ පරීක්ෂණයට පෙර, ආයතනය සහ එහි මෙහෙවර, වටිනාකම් සහ සංස්කෘතිය පර්යේෂණ කිරීමට කාලය ගන්න. සමාගම අපේක්ෂකයෙකු තුළ සොයන්නේ කුමක්ද යන්න තේරුම් ගැනීමට සහ ඒ අනුව ඔබේ ප්‍රතිචාර සකස් කිරීමට මෙය ඔබට උපකාරී වනු ඇත. සමාගමේ වෙබ් අඩවිය, සමාජ මාධ්‍ය ගිණුම් ආදිය පිරික්සීමෙන් ඔබට ආයතනය පිළිබඳ මනා අවබෝධයක් ලබා ගැනීමට හැකියාව කැබෙනවා.
2. “ඔයා ගැන ටිකක් විස්තර කියන්නකො”
මේ වගේ පොදු ප්‍රශ්න ඕනෑම සම්මුඛ පරීක්ෂණයකදි අහනවා. ඒ වගේ පොදු ප්‍රශ්නවලට දිය යුතු පැහැදිලි, නිවැරදි, ධනාත්මක පිළිතුරු ගැන ඔබ දැනුවත්ව සිටිය යුතුමයි. ඔබේ පවුලේ තොරතුරු, අධ්‍යාපනික තොරතුරු, ඔබේ හැකියාවන් සහ දුර්වලතා, මෙම තනතුර ගැන ඔබ දැනුවත් ඇයි කියන කරුණු පිළිබඳව සම්මුඛ පරීක්ෂණ වලදී වැඩි වශයෙන් විස්තර අහනවා.ඉතින් ඒ වගේ ප්‍රශ්නවලට පෙර සූදානම් වීම ඒ මොහොතේ ඔබව කලබලයට පත් කිරීම අවම කරනවා.
3. “මොකද්ද මම අඳින්නේ?”
මේ ප්‍රශ්නෙ නම් සම්මුඛ පරීක්ෂණයකට කළින් හැමෝටම එන ප්‍රශ්නයක්. විවිධ පුද්ගලයන් මේ පිළිබඳව විවිධාකාර අදහස් දැරුවත් ඔබ සම්මුඛ පරීක්ෂණයට මුහුණ දීමට යන ආයතනයේ ඇඳුම් පැළඳුම් කේතය සහ සංස්කෘතිය මත පදනම්ව සම්මුඛ පරීක්ෂණය සඳහා සුදුසු ලෙස අඳින්න. ඔබට ඔබ ගැන විශ්වාසයක් ඇතිවන අන්දමේ ඇඳුම් පැලඳුම් තෝරාගැනීම ඔබට පහසුවක් මෙන්ම සම්මුඛ පරීක්ෂණයට විශ්වාසවන්තව මුහුණ දීමට උපකාර වනු ඇත.
4. ප්‍රමාදය පසුතැවිල්ලට හේතු වේ
අපායට ගියත් වේලාවට යන්න කියල කියනවනෙ. සම්මුඛ පරීක්ෂණයකටත් ඒ කතාව 100%ක්ම අදාලයි. නියමිත වේලාවටම හෝ ඊට විනාඩි කිහිපයක් කළින් අදාල තැනට ගිහිල්ල සිටීම, ඔබට ඒ වටපිටාවට මදක් හුරුවෙන්න, චකිතයක් තිබේනම් ඒක මග හැරගන්න උපකාරී වෙනවා.
ඒවගේම මෙය ඔබ නිසි කලමනාකාරීත්වයක් සහිත පුද්ගලයකු බවත් සම්මුඛ පරීක්ෂණය සිදු කරන පරීක්ෂකගේ කාලයට ගරු කරන බවත් පෙන්වයි. ආයතනය පිහිටා ඇති ප්‍රදේශය ඔබට නුහුරු, නිවසින් දුර බැහැර නම් ඔබ යන්නේ කොතැනටද යන්න සහ එහි යාමට යම් කාලයක් ගතවේද යන්න ඔබ දන්නා බව සහතික කර ගැනීමට සම්මුඛ පරීක්ෂණයට දින කිහිපයකට පෙර සොයා බලන්නත් ඔබට පුලුවන්.
5. ඔබ ගැන ඇති විශ්වාසය හරි වැදගත්
සම්මුඛ පරීක්ෂණය අතරතුර අයි කන්ටැක්ස් පවත්වා ගැනීම, පැහැදිලිව කථා කිරීම සහ කෙළින් වාඩි වීම මගින් ඔබට ඔබ ගැන ඇති විශ්වාසය මනාව පෙන්වා දිය හැක. චංචල බවක් පෙන්නුම් කිරීමෙන් හැකියාක් වැළකිය යුතු වන්නේ එමගින් ඔබ නොසන්සුන් බවක් හෝ උනන්දුවක් නොදක්වන බවක් පෙනෙන්නට පුළුවන් නිසා. සම්මුඛ පරීක්ෂකවරයා සොයන්නේ මේ ලැබුණු අවස්ථාව ගැන විශ්වාසයෙන් හා උද්යෝගිමත් අයෙකු බව මතක තබා ගන්න.
6. හොඳින් ඇහුම්කන් දෙන්න
සම්මුඛ පරීක්ෂකවරයා අසන ප්‍රශ්නවලට හොඳින් සවන් දී කල්පනාකාරීව ප්‍රතිචාර දැක්වීම ඔබව තෝරාගැනීමට විශාල හේතුවක්. ඔබට යමක් ගැන විශ්වාස නැත්නම් පැහැදිලි කිරීමක් ඉල්ලා සිටීමට බය විය යුතු නැහැ.. ඔබ නියැලී සිටින බවත් තනතුර ගැන උනන්දුවක් දක්වන බවත් එමගින් පෙන්නුම් කරන නිසා ගැටළු සහගත තැනක් ගැන අසා දැනගැනීම අමතක කරන්න එපා. එනමුත් එවැනි ගැටළුවක් අසන විටක ඒ සඳහා ඔබට ලබා දෙන කාළය වනතුරු රැඳී සිටින්න අමතක කරන්න එපා. පරීක්ෂකවරයා යමක් පැහැදිළි කරන විටක එයට බාධා කර ඔබේ ගැටළුව විමසීම ඔබව තෝරා නොගැනීමට හේතුවක් විය හැකියි.
7. අසන ප්‍රශ්න ගැනත් පෙර සූදානමකින් සිටීම හරි වැදගත්
මෙයින් පෙන්නුම් කරන්නේ ඔබ මෙම සම්මුඛ පරීක්ෂණයට පැමිණීමට පෙර මනාව සූදානම් වී ඇති බව සහ ඔබේ උනන්දුවයි. එනමුත් මෙවැනි මොහොතකදී ඉක්මන් ගූගල් සෙවුමක් හරහා පහසුවෙන් පිළිතුරු දිය හැකි “ඔබේ සමාගම කරන්නේ කුමක්ද?” වැනි ප්‍රශ්න වෙනුවට, “දැන් ඔබේ කණ්ඩායම මුහුණ දෙන විශාලතම අභියෝග මොනවාද?” වැනි වඩාත් කල්පනාකාරී ප්‍රශ්න ඇසීම ඔබේ උනන්දුව තවත් පැහැදිළිව පෙන්නුම් කරයි.
සම්මුඛ පරීක්ෂණයකට සූදානම් වීම සහ මුහුණ දීම ඔබව කලබලයට පත් කරන අත්දැකීමක් විය හැකි නමුත්, නිවැරදි ප්‍රවේශය සමඟින්, ඔබට සාර්ථක වීමේ අවස්ථා වැඩි කර ගත හැක.
සම්මුඛ පරීක්ෂණය සඳහා සහභාගි වන ආයතනය ගැන සොයා බැලීමෙන්, පොදු ප්‍රශ්නවලට පිළිතුරු සකස් කිරීමෙන්, සුදුසු පරිදි ඇඳුම් ඇඳීමෙන්, නියමිත වේලාවට පැමිණීමෙන්, විශ්වාසය ප්‍රක්ෂේපණය කිරීමෙන්, ක්‍රියාශීලීව සවන් දීමෙන්, ප්‍රශ්න ඇසීමෙන් සහ පසු විපරම් කිරීමෙන් ඔබට සම්මුඛ පරීක්ෂකවරයා කෙරෙහි ධනාත්මක හැඟීමක් ඇති කර ඔබට අවශ්‍ය රැකියාව ලබා ගත හැකිය.
සම්මුඛ පරීක්ෂණයකට පෙර ඔබ සූදානම් විය යුතු ආකාරය ගැන මනාව කරුණු පහදා දෙන ඩී.පී එඩියුකේෂන් ජීවන කුසලතා වීඩියෝ මාලාව නැරඹීම මගින් ඔබට මේ කරුණු පිළිබඳව වඩාත් හොඳින් දැනගත හැක.
එමෙන්ම සම්මුඛ පරීක්ෂණයකට පෙර මෙම වීඩියෝ මාලාවන් නැරඹීම මගින් ඔබට ඔබ ගැන විශ්වාසය තහවුරු කර ගත හැකි අතරම පෙර සූදානම් වීමක්ද සිදු කර ගත හැක
ඩී.පී එඩියුකේෂන් ජීවන කුසලතා වීඩියෝ මාලාව: https://www.youtube.com/watch?v=MB5y9en8zKw&list=PLQeB2pehbXr5egiJuU7OGw6guG4YIzPUd
